Ginakabig ikatatlo na nga attempt sa tuyo nga pagpatay ang nagluntad nga pagpangluthang kay US President Donald Trump sa White House Correspondent Dinner.
Suno kay Bombo Pinoy Gonzales, nakabatyag sang tuman nga kahadlok ang tanan nga yara sa sulod sang venue rason nga madamu ang nagpanago sa lamesa.
Pahayag pa niya, wala man sang may napilasan sa insidente bangud sa pirtahan pa lang na subdue na ang pagpangluthang.
Dugang pa sini, wala pa sang impormasyon kun ano ang rason ukon sin-o ang sa likod sang pagpangluthang apang natigayon naman nga madakpan suspek.
Tungod sang insidente, ginhugot naman sang law enforcement ang seguridad sa palibot agud masigurado nga luwas ang presidente kag pila ka mga bisita nga nagtambong sa nasambit nga kahiwatan.
