Wala sang kahilabtanan sa trabaho sang Jail Guard sa Capiz Rehabilitation Center ang pagpangluthang nga natabo sa Crossing Jail, Brgy. Lawa-an sang damlag lang.
Ini ang ginpahayag ni CRC Provincial Jail Warden Arjuna Yngcong sang ma-interview sang Bombo Radyo Roxas.
Suno kay Yngcong, wala sila sang basehan nga maangut sa trabaho ang natabo nga pagpangluthang sa amu nga prison guard bangud sa guwa ini sang CRC natabo.
Wala man suno diri nakamuno ang biktima kun may pagpamahog ini sa iya kabuhi.
Sa karon, ginatugyan ni Yngcong ang imbestigasyon sa mga kapulisan kag ginahulat ang mangin resulta sini.
Matandaan nga ginkilala ang biktima kay Cyril Dumali, yara sa legal nga pang-edaron, Prison Guard 1 sang CRC nga residente sang Brgy. Yating, Pilar, Capiz.
Nakaangkon ini sang igo sa dughan kag pila ka parte sang lawas nga gilayon naman nga gindala sa isa ka pribado nga ospital para sa nagakaigo nga pagbulong kag yara na sa karon sa istable nga kondisyon.
