BOLO ROXAS CITY – Makabig nga madugay na nga problema sang mga taga-Pangpang Bolo, Roxas City ang pagpangransak kag pagpangawat sang mga isganan nga kawatan sa pila ka mga puluy-an.
Sa interview sang Bombo Radyo sa isa sa mga nakawatan, ginpahayag sini nga tuman ka isog ang mga kawatan sa ila lugar bangud wala sang ginapili nga puluy-an ang ila ginabiktima.
Suno kay tatay Ted, natigayon nga mataban sang mga ini ang 6 ka mga hinupatanan nga pabo kag 4 ka mga manok sa isa lamang ka gab-i.
Mabudlay ang mga ini suno diri nga madakpan bangud kada alas 4:00 sang kaaganhon ang ila target nga magpangawat.
Pangabay sini sa mga opisyales sa ila lugar nga kun tani matinguhaan na nga mauntat ang amu nga insidente bangud kakugmat na ang nangin epekto sa ila nga mga pumuluyo.
