ROXAS CITY – Gintawag nga indi sang makatawo sang militar ang ginhimo nga pagpangsunog sang pito ka mga armado nga kalakinhan nga ginapatihan miyembro sang New Peoples Army sa isa ka heavy equipment sa Barangay San Martin, Dumalag, Capiz.
Suno kay Philippine Army- 61st Infantry Battalion commander Lt. Col. Sisenando Magbalot Jr., ang nasambit nga aktwasyon sang NPA ang nagapakita lamang sang ila nga pagpangsabotahe.
Bangud sa ila ginhimo, nagapamatuod lamang ini suno sa opisyal nga nagakadapat nga tawgon nga terorista ang NPA.
Nahibaluan nga wala sang nakuha nga extortion money ang NPA sa tag-iya sang nasambit nga heavy equipment rason nga ila ini ginsunog.
Kasunod sang natabo, ginpasiguro sang opisyal nga nagapadayon ang ila nga community support programs sa nabukid nga mga lugar agud maprotehiran ang mga pumuluyo
