Nagpromisa sang suporta ang nagkalain-lain nga grupo sang rice millers kag importers, subong man ang Philippine National Police (PNP), agud siguraduhon nga masarangan ang presyo sang bugas sa mga merkado.
Ini ang kadungan sa pagpakighinala sang mga opisyal sang Department of Agriculture (DA) sa pagpanguna ni Agriculture Secretary Francisco Tiu Laurel Jr.
Kadungan sini, nagpahayag sang pagpasalamat si Laurel sa nasambit nga grupo sa ila suporta sa inisyatiba sang administrasyon ni Marcos nga maghatag sang barato nga bugas sa mga konsumedor.
Gindayaw man sini ang rice millers kag importers bangud sa ila aktibo nga papel sa pagsuporta sa KADIWA sang Pangulo Rice-for-All rolling stores sa mga merkado sa Metro Manila.
Mahibaluan nga ang mga KADIWA sang Pangulo Rice-for-All rolling store nga nagsugod sadtong Disyembre 21, nagabaligya sang well-milled nga bugas sa diin ang presyo yara lamang sa P40.00 kag P45.00 kada kilo.
