Pagpanukot sang P100.00 sa kada puluy-an para sa pagkuha sang basura sa Brgy. Tanque, boluntaryo lamang- Pumuluyo

ROXAS CITY – Boluntaryo lamang ang paghatag sang P100.00 sa mga nagakuha sang basura sa kada puluy-an sa Barangay Tanque, Roxas City.

Ini ang ginpahayag ni Nanay Lida, residente sang Ilaya, Barangay Tanque  sang ma-interview sang Bombo Radyo Roxas.

Suno kay Nanay Lida, sa 45-anyos sini niya nga pagpuyo sa lugar wala pa ini nakabayad sang amu nga kantidad sa mga nagakolekta sang basura sa ila lugar.

Mahibaluan nga duha ka beses nga nagakolekta sang basura sa ila lugar kung sa diin kada Lunes kag adlaw sang Huwebes.

Samtang, ginklaro man sini nga indi matuod ang ginapahayag nga ginabilin sang mga nagakolekta sang basura ang basura sang mga pumuluyo sa tion nga wala sang may ginahatag nga kwarta sa ila.