Pagpasaka sang plete, daku gid ang mabulig sa mga driver sa tunga sang nagapadayon nga pagtaas sang presyo sang gatong

Daku gid ang mabulig sang pagpasaka sang plete sa mga driver sa tunga sang nagapadayon nga pagtaas sang presyo sang gatong.

Sa interview sang Bombo Radyo kay Judy Mendoza, isa ka van driver, iya ginpahayag nga kulang gid ang ila nga kita sa para sa ila nga pamilya kag sa maintenance pa sang ila nga salakyan.

Suno kay Mendoza, one way trip na lang kun kaisa ang ila nga mahimo sa ila nga pagbyahe bangud man sa paghina sang mga pasahero.

Pahayag pa niya, kun mapatuman ang pagtaas ang pletehan kag sundon ang taripa, sigurado nga makadugang ini sa ila pang-adlaw -adlaw nga kita.

Nagapanawagan man ang natungdan nga gilayon na nga mahatag ang mga subsidies kag mapatuman ang pagtaas sang pamasahe agud makabuhin man sang ginapas-an nga kabudlay.