Ginaduso sang pila ka mga grupo sang transport sector sa Land Transportation Franchising and Regulatory Board (LTFRB) ang petition para sa pagpasaka sang P2.00 nga pletehan para sa traditional jeepneys kag minibus.
Sa interview sang Bombo Radyo kay Mr. Joseph Carandang, Presidente sang Piston-Capiz, ginpahayag sini nga base sa impormasyon nga nagikan sa ahensya kag pagatun-an ini sang maid-id bangud sa rason nga nagatilinaas naman sa karon nga inflation rate.
Dugang pa sini, kun ma-aprubahan man mabug-at na ini para sa mga commuters. Sa bahin naman sang transport sectors, nagahinyo man ang mga ini sang increase bangud sa pagmahal sang mga pagkabutang sa maintenance sang salakyan kag sa indi istable nga presyo sang gasolina.
Aminado man ang mga ini nga nagahinyo man ang mga ini nga magpatuman sang increase apang indi man kuntani mag-abot sa P2.00. Para sa ila bastante na ang P1.00 nga increase sa pletehanay rason nga indi ini sila pabor sa ginaduso sa karon nga pagpasaka sang P2.00 peletehan.
