ROXAS CITY – Madugay na nga nagakatabo, ang pagpasulod sang baboy sa Capiz nagikan sa iban nga mga probinsya may yara man sang outbreak sang African Swine Fever (ASF) ukon wala.
Ini ang ginpahayag ni Dr. Leonel Abordo Provincial Veterinarian sang mainterview sang Bombo Radyo.
Suno kay Abordo, ang kasubong sini nga mga buluhaton may yara sang mga indi instakto nga tinutuyo ukon may kakulangan sa dokumento.
Ginklaro man sini nga mahimo lamang nga i-byahe sa isla ang sapat kun ini pangpersonal nga konsumo apang kung ini ang ibaligya kinahanglan nga magdungka sa pantalan kag may pahanugot.
Pila sa mga dokumento nga kinahanglan ipakita sang may mga transaksyon amu, ang veterinary certificate nga nagapahayag luwas kag wala sang sakit ang sapat, transport permit nga nagikan sa veterinary office sang ila lugar.
Matandaan sang damlag lang, may yara sang 16 tanan ka mga baboy ang tuyo kun tani pasudlon sa syudad sang Roxas nga nagikan pa sa Balud, Masbate kag ginpahayag nga may yara na ini sang buyer.
Apang napaslawan sila nga ipadayon ang ila tuyo matapos nga wala ang mga ini sang may mapakita nga nagakaigo nga dokumento, rason nga ginmando na lamang sang opisyales sang Capiz Veterinarian Office nga ipabalik na lamang ang mga baboy sa lugar kung sa diin ini nagikan.
