Isa ka importante nga tikang sa pagproteher sang propedad amo ang pagpatitulo sini.
Sa interview sang Bombo Radyo kay Atty. Criselda Heredia sang Integrated Bar of the Philippines – Capiz Chapter, iya ginpahayag nga ang titulo ang isa ka legal nga dokumento nga nagapamatuod sa pagkalehitimo sang tag-iya sang duta.
Suno kay Heredia, ini man ang pinakamabaskog nga ebidensya sang pagpanag-iyá sang duta ilabi na sa idalom sang Torrens system ukon sistema sang pagrehistro sa idalum sang gobyerno kag sa pagbayad sang tax sini.
Pahayag pa niya, benepisyo man sang pag-angkon sang nga may titulo amo ang madasig nga pag-baligya, pag-donar ukon pagpa-utang sini.
Dugang pa sang natungdan, ang pag-angkon sang titulo sang duta indi lang proteksyon para sa tag-iya kundi nagahatag man sang mas lapad nga oportunidad para sa ekonomiko nga pag-uswag kag masaligan nga palaabuton para sa masunod nga henerasyon.
INTERVIEWED BY: BOMBO ROADNIE DALANON
