ROXAS CITY – Nakaangkon sang mga negatibo nga reaksiyon ang nauna nga pahayag ni DTI Secretary Ramon Lopez sang gintawag sini nga ‘ilegal’ ang online barter trade kag dapat may buwis nga ginabayaran bangud panindugan sini nga wala ini ginapahanugutan sang laye.
Suno kay Mr. Ralph, founder sang isa ka barter community sa probinsiya sang Capiz, ‘unfair’ ukon indi sang patas ang nangin pahayag ni Lopez.
Suno diri nga indi sang ensakto nga patungan sang buwis ang gina-barter nga mga kagamitan bangud wala man diri sang bayluhanay sang cash ukon kwarta.
Ginpahayag sini nga ‘used’ ukon gamit naman ang mga ginapang-barter online gani indi na ini nagakadapat pa nga patungan sang buwis.
Mahibaluan nga liwat nga nagpatok ang online barter trade kadungan sang ginapangatubang sa karon nga pandemiya tuga sang coronavirus disease.
Nagahatag ini sang dako nga bulig sa mga nadulaan sang trabaho sa tunga sang pandemiya.
