PANITAN CAPIZ – Dala sang kaingit ang ginlantaw nga rason sa pagpatupa sang kamot sang traffic auxiliary sa tatlo ka mga high school student sa banwa sang Panitan, matapos nga wala ang mga ini nagtabok sang instakto sa dalan.
Sa interview sang Bombo Radyo kay Punong Barangay Romeo Cabidog sang Poblacion Ilawod, Panitan Capiz, ginpahayag sini nga sang natabo ang insidente yara ini nagapungko sa tabok nga dalan kag nagabulig sa pag-assist sa mga estudyante nga magtabok.
Suno kay Cabidog hinali lamang nga nagtabok ang tatlo ka mga estudyante nga wala sang pahanugot ni Joel Billones on duty nga traffic auxiliary sa lugar.
Bangud sini, ginsilingan niya suno diri si Billones nga papalapiton sa iya ang mga estudyante agud kun tani istoryahon kag laygayan apang sang nagpalapit si Billones sa mga estudyante daw kaangay nga nagbinaisay ang mga ini.
Ginapunto lamang suno diri sang traffic auxiliary nga kun tani magsunod sa ila bangud para man ini sa ila kaluwasan kag delikado sa mga salakyan kag motorsiklo nga naga-agi sa dalan.
Samtang, aminado naman si Billones nga my kapaysanan ini nga nahimo kag natalana ang mga ini nga ipatawag bwas nga adlaw sa ila Barangay Hall agud hinalaan kag maresolba ang nasambit nga insidente.
