ROXAS CITY – Ginkumpirma sang provincial link officer sang 4Ps sa probinsiya sang Capiz nga wala madayon ang paghatag sang bugas para sa rice allowance sang mga benepisyaryo sini.
Ginpahayag ni Beverly Salazar nga ginpaiway ang nauna nga report nga bugas ang ihatag sa mga benepisyaryo sa baylo ang P600 nga rice allowance tagsa ka bulan.
Suno kay Salazar nga indi lamang sa probinsiya sang Capiz nga ginahatag sa mga 4Ps members ang P600 nga kantidad sa baylo nga bugas para sa ila rice allowance kundi may pila man ka mga probinsiya nga amo sini ang ginasunod.
Ginapasumiter lamang ang mga miyembro sang pamatood nga ang P600 nga rice allowance ang ila ginbakal sang bugas.
Samtang ginklaro man ni Salazar nga wala ginapahanugutan ang mga miembro nga magpawithdraw sang ila atm card sa iban nga tawo.
Ini bangud dapat sila mismo nga benepisyaryo ang magwithdraw sang ila nga cash grant.
Samtang nahibaluan nga may dugang ang cash grant nga mabaton ang mga 4Ps beneficiaries.
Kalakip diri ang may yara sang mga estudyante sa elementarya kag day care nga magabaton sang P300, highschool P500, P700 naman sa senior high kag sa health kag nutrition grant P750.
