Ginhatagan pagtamod sang Akbayan Party-list ang importansya sang pagdepensa sang kinamatarung kag soberanya sang Pilipinas sa West Philippine Sea sa tunga sang nagalala nga tensyon sa China, kasunod sang mga pahayag ni Chinese Ambassador Jing Quan nga nakakuha sang kritisismo gikan sa mga opisyal sang gobyerno kag mga mamalidha.
Sa interview sang Bombo Radyo kay Perci Cendaña, Akbayan Party-list Representative, iya ginpahayag nga dapat mangin malig-on ang panindugan sang gobyerno batok sa mga pahayag nga ginakabig nila nga pamahog sa pungsodnon nga interes, ilabi na sa isyu sang kinamatarong sang pungsod sa kadagatan nga sakop sini.
Nag-ugat ang kontrobersiya sa pahayag ni Jing sang Oktubre 15 nga mahapos lang magdaug ang China kun maggamit ini sang pwersa batuk sa Pilipinas, apisar nga ginpahayag man sang embahador nga indi nila ini paghimuon bangud luyag kuno sang ila pungsod ang kalinungan.
Bilang sabat, nagpanawagan ang grupo kag iban pa nga mga mamalidha nga ideklarar nga persona non grata si Jing ukon ginhingyo sa gobyerno sang China nga i-recall siya, samtang ang House Resolution No.
Nagalaum ang Akbayan Party-list nga malig-on nga magahulag ang gobyerno sa pagdepensa sang kinamatarong sang pungsod, manabat sa mga pahayag nga ginakabig pamahog sa pungsodnon nga interes, kag siguraduhon nga ang soberanya sang Pilipinas sa West Philippine Sea indi mapaiway sa pihak sang mga pagpanghangkat sa diplomatiko nga relasyon sa China.
