Epektibo na subong, Setyembre 28, ang pagsaka sang plete sa mga Public Utility Vehicles (PUV).
Sa idalom sang aprubado nga rates sang Land Transportation Franchising and Regulatory Board (LTFRB), ang minimum fare sa mga ordinary jeepneys ang magataas halin P13 nga mangin P14 sa una nga four kilometers. Ang plete sa kada succeeding kilometer ang magataas sang P2.
Para naman sa mga modern public utility jeepneys, ang minimum fare magataas sang P17, kag may dugang nga P2.40 sa kada succeeding kilometer.
Ang plete sang city bus ang magataas man sang P15 sa kada una nga five kilometers kag dugang nga P2.49 sa kada succeeding kilometer. Para naman sa air-conditioned city buses, ang minimum fare magataas sang P18, kag P3 ang dugang sa kada succeeding kilometer.
Mataas man sang P2 tubtob P3 ang kada succeeding kilometer sang provincial bus fares, nakadepende sa sahi sang bus.
Ang plete naman sang UV Express magataas sang P2.60 tubtob P3 sa kada succeeding kilometer.
Samtang ang flag-down rates sang taxi ang magataas man halin sa P35 tubtob P90, nakadepende sa sahi sang taxi, apang wala sang pagtaas sa per-kilometer rate.
Ang flag-down rate para sa airport taxis magataas halin P75 nga mangin P115, kag wala man sang pagbaylo sa succeeding meter rate.
May pagtaas man sa TNVS fares depende sa sahi sang salakyan, samtang aprubado man ang P15 pickup fee kada kilometro.
Ang plete naman para sa point-to-point buses ang magataas sang 15%.
Ginmanduan sang Department of Transportation (DOTr) ang mga operators nga mag-display sang bag-o nga fare matrices kag padayon nga maghatag sang discounts sa mga estudyante, senior citizens kag persons with disabilities.
