Ginalauman ang pagsaka sa presyo sang Liquefied Petroleum Gas (LPG) sa umpisada nga bulan sang Setyembre.
Suno sa industry players, ini ang base sa presyo sang LPG sa international market.
Mahibaluan nga ang LPG contract prices, nagtaas sa international trading, kung sa diin ang contract price nagsirit sang $50 per metric ton, nga kabaylo sang P2.00 kada kilo nga pagtaas sa retail market.
Sa pagbulubanta sang gas retailer Regasco, ang price hike sa LPG sa Pilipinas magahampang sa P2.00 kag P3.50/kg ukon P22.00 tubtob P38.50 kada 11kg tank.
Pahayag ni Regasco President Arnel Ty, posible pa nga magbag-o ang presyo tubtob subong nga adlaw Agusto 30 antes madetermina ang final contract price sa Sabado.
Ang nasambit nga pagsaka sang presyo suno diri bangud sa pagtipon sang dalagko nga suplay sang Asian kag European countries bilang pagpreparar sa taglamig.
