CAPIZ – Ginpakigbahin sang Resident Doctor/Vice Pres. of Roxas/Filipino Chinese Chamber of Commerce Inc. nga si Dr. Cesar Yap kung paano saulugon ang Chinese New Year.
Sa pagpakig-angut sang Bombo Radyo kay Doc. Yap, ginsiling sini nga ang Chinese New Year ini ang pinakasikat nga selebrasyon kilala man ini sa tawag nga Spring Festival bangud ginaselebrar ang pagtakop sang winter ukon taglamig kag magasugod naman ang spring ukon tigpamulak.
Suno diri nga ini ang pinakaimportante kag pinakatigulang nga kapistahan sa China.
Mahibaluan nga ang petsa sang Chinese New Year may kinalain sa Bag-ong Tuig sang mga Kristiyano nga wala nagabag-o ang petsa.
Ang selebrasyon, ginabase man suno kay Yap sa lunar/solar caledar nga may 12 buwlan nga nagabulosbulos sang 28 diyas kag 30 diyas equivalent sang 12 full lunar cycle.
Ang Chinese New Year, ginasuguran sa una nga adlaw sang bag-ong bulan ukon (new moon), bangud diri nagasugo ini sa katapusan nga semana sang Enero tubtob sa tungatunga sang Pebrero.
Pila sa mga nakaangdan nga ginahimo sang mga Tsino antes ang selebrasyon ang pagtinlo sang ila mga puluy-an, nagabayad sang mga utang, nagapagunting sang buhok ang mga kalalakinhan kag nagasuksok sang bag-o nga panapot nagaduag pula kag may polka dot.
Nagabutang man ang mga ini sang pula nga lantern kung sa diin nagasimbolo nga magadala sang kalinong kag bugana para sa bag-ong tuig.
Nagapadulong man ang mga ini sa templo, nagasunog sang insenso, ginatanyagan kag ginapangamuyo ang ila mga nagtaliwan nga himata kag mga bagani.
Kaangay sang mga nakaangdan nga pagselebrar, makit-an ang mga maduagon nga parade kag dragon dance nga ginaupdan pa sang mga matunog nga drum kag gahod sang pompiyang subong man mga palupok kag fireworks.
Nagapreparar man sang Nian Gao ukon tikoy ukon nagasimbolo sang kabuganaan ka gang sa tunga sini nagasimbolo sang paghiliusa.
