Nangin malinong ang pagsaulog sang Paskwa sa bilog nga probinsya sang Capiz.
Sa interview sang Bombo Radyo kay Police Captain Merry Chris Dela Cruz, Police Information Officer sang Capiz Police Provincial Office, iya ginpahayag wala sang may nabalhag nga ano man nga klase sang insidente ang pagtakop sang Simbang Gabi kadungan sang pagsaulog sang Paskwa.
Suno kay Police Captain Dela Cruz, nakadeploy ang tanan nga katapo sang ila talatapan sa palibot sang probinsya agud nga magbantay sang seguridad.
Pahayag pa niya, padayon man ang ila pag-tsekyar sang baligyaanay sang palupok kag ginasigurado nga wala sang mga indi-rehistrado nga manugbaligya bangud mahimo ini tunaan sang aksidente sa tion nga depektibo ang ila mga produkto.
Nagpanawagan man ang natungdan sa publiko nga magsunod sa layi kag likawan ang mga indi maayo nga buluhaton agud mapabilin ang kalinong kag katawhay sang palibot.
