Wala sang major incident nga na-record sa mga sementeryo, transport terminals kag iban pa nga mga lugar sa pagsaulog sang Undas 2026 sa bilog nga probinsya sang Capiz.
Sa interview sang Bombo Radyo kay Police Lieutenant Colonel Bryant F. Fallera, Deputy Provincial Director for Operations sang Capiz Police Provincial Office (CPPO), iya ginpahayag nga nakabulig ang pagdeploy sang mga kapulisan kag ang koordinasyon sa nagkalain-lain nga ahensya sa pagmintinar sang kalinong kag seguridad sang publiko.
Suno kay Fallera, generally peaceful ang pagsaulog sang Undas 2026 sa probinsya, bisan pa may pila ka insidente nga na-record.
Dugang pa sini, daku ang nangin papel sang pagpatuman sang nagkalain-lain nga security measures agud masiguro ang kaluwasan sang publiko sa bilog nga tion sang Undas.
