-- ADVERTISEMENT --
Ginsaylo ang pag-obserbar sang Eid’l Fit’r buwas nga adlaw, ang marka sang katapusan sang Ramadan, nga isa sa duha ka mayor nga selebrasyon sa relihiyon sang Islam.
Ini matapos wala makit-an ang bulan kahapon sang gab-i, kasunod sang ginpatigayon nga moon sighting sang Bangsamoro Darul-Ifta, suno kay Bangsamoro Mufti Sheikh Abdulrauf Guialani.
Bangud sini, magapuasa sang isa pa ka adlaw ang mga utod nga Muslim sa Pilipinas.
Sa pihak sang pagsaylo sang adlaw sang pag-obserbar sang Eid’l Fit’r, magapablin nga regular holiday subong nga adlaw sandig sa nauna nga anunsyo sang Palasyo sang Malacañang.
