ROXAS CITY-Nangin ordinaryo nga adlaw ang pagselebrar sang paskuwa para sang mga Person’s Deprived With Liberty (PDLs) sa Bureau of Jail Management Penology -Mambusao Jail.
Ini ang ginpahayag ni Jail Inspector Rodel Morales, Jail Warden sang amo nga pasilidad sang mainterview sang Bombo Radyo Roxas.//
Suno sa kay Morales nga nangin hugot ang ila nga pagsulundan sa mga himata nga nagbisita sa ila nga mga himata nga yara sa nasambit nga pasilidad.
Kumpara sang tinalikdan nga paskuwa, makaupod pa sang mga inmates ang ila himata sang madugay apang subong limitado ang face to face nga pagbisita sang mga himata bangud sa pamahog nga dala sang COVID-19.
Dugang pa sini nga ang mga pagkaon nga gindala sag mga himata sang mga inmates ang ginabilin na gid lamang sa guha kag ang mga personel na lang ang nagadala sa ila.
Wala man sang ginpatigayon nga christmas party ang mga inmates kabahin sa guihapon sang ginapatuman nga mga health protocols.
