Ang mga programa kag inisyatibo nga ginpatuman sang lokal nga panguluhan para sa kaayuhan sang pumuluyo amo ang nangin sentro sang State of the Mayor Address (SOMA) ni Panay, Capiz Mayor Jonathan Besa.
Sa interview sang Bombo Radyo kay Mayor Besa ia ginpahayag nga sa nagligad nga tuig, padayon nga nagpatigayon ang lokal nga panguluhan sang nagkalain-lain nga mga programa para sa nagkalain-lain nga sektor sa banwa.
Suno sa alkalde, lakip sa mga programa sang administrasyon amo ang paghatag sang suporta sa mga mangunguma kag manugpangisda pinaagi sa mga programa nga nagatuyo mapabaskog ang ila pangabuhian kag mapataas ang ila produksiyon.
Pahayag pa niya, may mga inisyatibo para sa pagbulig sa gamay nga mga negosyo, pagpalambo sang turismo, pagpauswag sang sektor sang edukasyon, kag pagpakusog sang lokal nga ekonomiya.
Dugang pa sang natungdan, magapadayon ang iya nga pagserbisyo sa mga pumuluyo sang banwa sang Panay sa masunod nga mga tinuig para sa mas maayo kag mauswag nga palaabuton.
