ROXAS CITY – Ginkumpirmar ni Bombo International Correspondent Mr. Greg Aguilar nga may pagsigabong na nga nababatyagan sa mga major cities sang Ukraine.
Ini matapos nga nagdeklarar sang ‘special military operations’ si Russian President Vladimir Putin batuk sa Ukraine.
Sa interview sang Bombo Radyo kay Aguilar, ginpahayag sini nga natalana nga makipagsapol si US President Joe Biden kay Russian President Vladimir Putin, apang nauna na nag ginkondenar ni Biden ang makabig ‘unprovoked’ kag ‘unjustified’ nga pag-atake sang Russia.
Ginpahayag man ni Aguilar nga mabaskog ang pungsod Russia pag-abot sa puwersa sang ila militar, kag may dako man nga epekto sa ekonomiya sa iban nga pungsod kalakip ang Pilipinas ilabi na sa presyo sang gatong.
Nahibaluan nga isa ang Russia sa pinakadako nga producer sang produktong petrolyo sa bilog nga kalibutan.
Sa pihak nga bahin, ginkumpirmar man ni Ms. Melissa frias, direkta sa pungsod Ukraine nga nagasugod na sa pagpasigabong ang puwersa sang Russia sa ila nga pungsod kag suno diri ginauna sa pagpangbomba ang mga villages sa amu nga pungsod.
