Pormal na nga gindeklara sang state weather bureau ang pagsugod sang Northeast Monsoon ukon Amihan season.
Nagapatimaan ini sang pagsugod sang mas mabugnaw nga panahon samtang nagahilapit ang paskwa.
Suno sa ahensya, nagbaskog ang high-pressure area sa East Asia nga nagadala sang huyop sang matugnaw nga hangin halin sa northeast, partikular na sa Extreme Northern Luzon.
Sa amo man nga tion, natalupangdan man ang pagbugnaw sang panahon kag ang pagtaas sang atmospheric pressure,mga senyales sang pagsugod sang panahon sang Amihan.
Ginalauman nga magabaskog pa ang pagbalod sang hangin sa masunod nga duha ka semana nga mahimo tunaan sang mabalod nga kadagatan sa Northern Luzon.
Sa masunod nga mga inadlaw, ang Amihan ang mangin dominante sa daku nga bahin sang pungsod, nga nagadala sang matugnaw kag mamala nga hangin, subong man sang malip-ot nga pagbugnaw sang temperatura, kag posible man nga maka-eksperyensya sang shear line kag malain nga kondisyon sang kadagatan.
