-- ADVERTISEMENT --
ROXAS CITY – Hugot nga ginaimplementar sang pamunuan sang Teodoro Arcenas Trade Center (TATC) ang pagsulundan ukon mandatory sa pagsuksok sang facemask sa mga negosyante kag bumalakal.
Ini ang ginpahayag ni Helouise Mendoza ang Market Administrator sang TATC sang mainterview sang Bombo Radyo.
Suno kay Mendoza nga istrikto nga ginapatuman sa nasambit nga merkado publiko ang pagsuksok sang facemask agud nga malikawan ang paglapta sang Coronavirus Disease ukon COVID-19 sa mga negosyante kag bumalakal.
Bangud diri, magalibot sa merkado ang mga katapo sang Roxas City Environmental and Sanitation Enforcement Team (RESET) agud tsekyaron ang palibot kag dakpon ang mga wala nagasuksok sang facemask kag dal-on sa Crisis Center.
