ROXAS CITY – Kinahanglan nga hatagan sang pagtutuk ang pagsuksuk sang helmet sa mga kabataan nga nagasakay sa motorsiklo.
Ini ang nangin pahayag ni Pastor Russell Monton Ban Organizer sang Motorcycle Day sang ma-interview sang Bombo Radyo.
Suno kay Ban, madamo ini sang natalupangdan nga mga kabataan nga nagasakay ukon naga-angkas sa motorsiklo nga wala sang suksok nga helmet.
May yara man ang iban apang haluga ini sa ila kag masami nga magresulta sang pagkalingin sang ulo kag indi sa gihapon matawag nga luwas bangud mahimo ini nga makuha sa tion nga matumba ang ginasakyan nga motorsiklo.
Dugang pa sini nga apisar luyag sang mga ginikanan nga baklan ang ila mga kabataan sang helmet para sa ila apang malaka lamang ang mga nagabaligya sang helmet nga para lamang sa mga kabataan sa probinsya.
Gani, kinahanglan suno sa iya nga tutukan kag kabay nga makit-an ini sang gobyerno probinsyal bangud indi lamang ini delikado kundi mahimo man ini nga mangin rason sang pagkamatay.
Nagalaum man si Ban nga maga-abot ang tion nga matuman ini tanan bangud dako ini nga bulig agud mapahagan-hagan ang mga nababalhag nga disgrasya ukon pagkamatay bangud sa pagkatumba sa motor kag kakulangan sa pagsuksok sang helmet.
