ROXAS CITY – Nagnubo subong nga bulan sang Oktobre ang pagsuluktan sa kuryente suno sa Capiz Electric Cooperative (Capelco).
Sa interview sang Bombo Radyo sa General Manager sang ahensya nga si Engineer Edgar Diaz, ginpahayag sini nga ang rason bangud ang generation charge nagnubo kung sa diin nagresulta ini sa rate sang capelco sang capin 90centavos nga pagnubo.
Suno kay Diaz, isa pa sa mga rason bangud nagnubo man ang production cost subong nga bulan.
Sa pihak nga bahin, sa palaabuton nga Domingo Oktobre 27, may patigayunon nga maintenance ang NGCP kung sa diin may matabo nga block out sa bilog nga syudad sang Roas sumugod alas 7:00 sang aga tubtob alas 12:00 sang udto.
Pahayag sang General Manager ini na ang katapusan nila nga aktibidad nga magaresulta sang huol sa mga konsumedar apang pagkatapos sini wala na sang maeksperyensyahan pa nga power interruption.
Kadungan sang malain nga tyempo, ginsiling ni Diaz nga madamo nga mga kahoy ang nagakalatumba sa poste kabangdanan sang pagbrown-out sa pila ka mga kabanwahanan.
Bangud sini, ginahinyo nila ang kooperasyon sang tanan ilabi sang mga barangay opisyales nga buligan sila nga tinluan kag hawanan ang mga dalan kag ginatindugan sang poste nga may yara sang mga sablag.
