Nagpaandam si Senate President Pro Tempore Panfilo Lacson nga ang mga proposal nga temporaryo nga suspendihon ang value-added tax (VAT) sa mga produktong petrolyo mahimo nga magtuga sang masobra P320 billion nga pagkadula sang kita sang gobyerno, gani iya ginhingyo ang mga mamalidha nga tun-an anay ang epekto sini sa ekonomiya.
Suno kay Lacson, ang temporaryo nga pagdula sang VAT mahimo nga makapahinay sang economic stability kun ipatuman nga wala ginatun-an sang maayo.
Dugang pa niya, bisan ang simple nga pagsuspinde sang excise tax sa gasolina kag diesel ang magatuga sang halos P200 billion nga revenue loss, kag kun ilakip ang VAT suspension, magalab-ot sa masobra P320 billion ang kabug-usan nga posible kapierdihan.
Ginhatagan man niya pagtamod nga ang pagnubo sang kita sang gobyerno mahimo makaapekto sa pondo para sa mga serbisyo kag public services, ilabi na sa subong ang pungsod nagaatubang sang pangkalibutanon nga krisis bangud sang nagadugang nga tensyon sa Middle East.
Sa idalum sang kasuguan nga ginpirmahan ni President Ferdinand Marcos Jr., sadtong Marso 25, ginhatagan ang presidente sang gahum nga ipatuman ang temporaryo nga pagnubo ukon pagsuspinde sang excise tax sa mga produktong petrolyo.
