Para kay House Ways and Means Committee Chairman kag Albay 2nd District Representative Joey Salceda, mas maayo nga taasan sang Philippine Health Insurance Corporation (PhilHealth) ang benefit package sini sa baylo nga buhinan ang kontribusyon sang mga miyembro.
Suno kay Salceda, base sa pagbulubanta sang Department of Finance, yara sa P500 billion ang sobra nga pondo sang PhilHealth.
Apisar nga mag-withdraw suno diri ang National Government sa sulod sang tatlo ka tuig nga fund life sang nasambit nga excess funds masarangan sa gihapon nga pondohan sang PhilHealth ang 10-porsyento nga P1.8 trillion nga kinahanglanon para sa mga catastrophic health care needs ilabi na ang para sa Senior Citizens.
Kaangut sini, ginhinyo man ni Salceda sa ahensya nga magsumite sang plano sa pagastos sang excess funds agud mapaayo ang benefits package sa mga miyembro kag mapadasig ang pagbayad sa overdue payments sini.
Samtang, ginsiguro man sini nga sa pagahiwaton nga deliberasyon para sa amu nga pondo ginaduso niya nga mahatagan sa gihapon sang subsidiya ang PhilHealth.
