Pagtaas sa presyo sa petrolyo, lauman buwas nga adlaw

Lauman ang pagtaas presyo sa produkto sang petrolyo bwas nga adlaw.

Sa final estimates, magadangat sa singkwenta tubtob sitenta sentimos ang increase sa presyo sang kada litro sang diesel.  

Posible naman nga magdangat  tubtob piso ang taas presyo sa gasolina samtang, 30 tubtob 50 centimos naman ang sa kerosene.  

Ini na ang ikatlo nga sunod nga semana sang nagpatigayon sang oil price hike ang mga kumpanya sang gatong.

Ini ang resulta gihapon sang ginapatupad nga production cut sang OPEC; nangin banta ini sa supply bangud sa drone attack sang Ukraine sa oil refineries sang Russia kag ang ginalauman nga pagtaas sa demand sa gatong ang bangud sa peak summer season sa mga pungsod nga yara sa Northern Hemisphere.