Nagsug-alaw sa una nga adlaw sang Pebrero ang pagtaas sa presyo sang Liquefied Petroleum Gas (LPG).
Suno sa Department of Energy nga may P0.70 sa kada kilo sang LPG.
Nagakahulugan nga nagdugang sa P7.70 sa kada 11 kgs. sang household LPG cylinder.
Isa sa mga rason nga nakit-an sang DOE amu ang mataas nga demand sang LPG sa pangkalibutanon nga merkado.
Magaangkon naman sang dugang-buhin sa presyo sang mga produkto sang gatong sa masunod nga semana.
Base sa forecast sang DOE nga magahampang gikan sa P0.40 tubtob P0.70 sa kada litro ang pagtaas sa gasolina.
Samtang ang diesel ang may pagnubo sa P1.30 tubtob P1.60 sa kada litro.
Subong man sa kerosene nga may pagnubo sa P0.85 tubtob P1.00 sa kada litro. Sa adlaw pa sang Lunes mahibaluan kun pila ang dugang-buhin sa presyo sang mga produkto nga petrolyo nga masami nga ginapatuman sa adlaw sang Martes.
