Mas nagdasig ang pagtaas sang factory gate prices sang Setyembre kon ipaanggid sa nagligad nga bulan, sa diin ang mayor nga rason amo ang paghulag sang presyo sang transport equipment suno sa Philippine Statistics Authority (PSA).
Sa datos nga ginpaguwa sang Philippine Statistics Authority (PSA),nagtuhaw nga ang Producer Price Index (PPI) para sa manufacturing nakarekord sang isa ka porsyento nga pagtaas sang Septyembre, mas madasig sang sa 0.6 poercent nga pagtaas sang Agosto.
Sang Setyembre sang nagligad nga tuig, nagnubo sang 1.4 percent ang Producer Price Index.
Halin Enero tubtob Setyembre ang average Producer Price Index growth ang yara sa 0.5 percent.
Magluwas sini, ang mas madasig nga pag-uswag sang Producer Price Index gintuga man sang pagtaas sang mga produkto sa kompyuter, elektroniko kag optical sa 0.9 porsyento sang Septyembre gikan sa 0.1 porsyento nga pagnubo sang nagligad nga bulan.
Dugang pa sang PSA,ang mas mahinay nga pagnubo sa other non-metallic mineral products sa 2.2 percent sang Septyembre gikan sa 3.9 percent sang nagligad nga bulan isa pa ka kontribusyon sa pagtubo sang Producer Price Index.
Sa nabilin nga 19 ka industry divisions, 13 ang nakarekord sang pagtaas, samtang anum ka industry divisions ang nagpakita sang pagnubo gikan sa nagligad nga bulan.
