Lauman ang pagsaka sang kuryente ubong nga tig-ilinit bangud sa pagtaas sang presyo sang langis tuga sang tensyon sa Middle East.
Suno sa Energy Regulatory Commission, ang pagtaas sang shipping cost sang langis, coal, kag natural gas, nga mayor nga ginagamit sa mga planta sang kuryente, ang mangin rason sang mas mataas nga balayran sa kuryente.
Base sa forecast, mahimo nga maglab-ot sa ₱2 tubtob ₱4 kada kilowatt-hour ang dugang nga balayran sugod sa Abril. Para sa isa ka panimalay nga nagakonsumo sang 200 kWh, mahimo ini magdugang sang ₱200 sa bulanan nga balayran.
Mahimo nga ipatuman ang staggered increase kun tuman kadako ang increase, kag may posibilidad man nga ma-suspend ang Wholesale Electricity Spot Market kun kulang ang supply sang kuryente sa tion sang tig-ilinit.
Gin-engganyo sang Energy Regulatory Commission ang publiko nga buhinan ang konsumo sang kuryente kag ikonsiderar ang paggamit sang solar panel bilang alternatibo agud makatipid kag makabulig sa supply sang enerhiya.
