Ginanunsyo sang Social Security System (SSS) ang contribution hike para sa mga miyembro sini nga magasugod na subong nga bulan sang Enero 2025.
Suno kay SSS Acting Head Carlo Villacorta, ang rate sang kontribusyon magataas sang 15% nagikan sa anay 14% ini ang kabahin sang mga tikang sang ahensya nga pabaskugon ang pondo sang pension nga ginapalakat sang gobyerno.
Ang nasambit nga pagbag-o ang makaapekto indi lamang sa mga
employer kag empleyado, kundi pati na sa mga kabulig, mga self-employed, mga boluntaryo nga miyembro kag mga land-based nga Overseas Filipino Workers (OFWs).
Sa ilalim sang bag-o nga sistema, maga-angkon sang pagbag-o sa Monthly Salary Credits (MSC) sang mga empleyado kag employer sa pribado nga sektor, nga nagatalana kung pila ang ila kontribusyon sa SSS.
Halimbawa diri ang mga employer kag empleyado, self-employed, mga boluntaryo, kag spouse members nga wala nagatrabaho kung sa diin ang MSC magataas sa P5,000 nga may maximum nga P20,000.
Samtang ang mga kabulig naman may MSC nga P1,000 may maximum nga P20,000.
Sa land base OFW member naman may MSC nga P8,000 nga may maximum man nga P20,000.
Suno kay Villacorta ang pagsaka sang sukot sa contribution agud masolusyunan ang posible nga pagnubo sang pondo sang ahensya kag agud mapasaka ang financial funs nga posible magdugay tubtob 2053 bangud sa karun nagahatag ang SSS sang mga benepisyo sa masobra 13-M nga empleyado sa pungsod.
Ginklaro sang ahensya nga kadam-an sang empleyado, nagakita sang masobra P25,000 kada bulan, indi maapektuhan ang ila take-home pay, bangud ang mga employer ang magasabat sa pagtaas sang kontribusyon.
Samtang, ang mga negosyo ang makaeksperyensya sang dugang nga gastos sa operasyon, nga mangin pagtilaw para sa mga magagmay nga negosyo.
