Ginalauman sang Alliance of Concerned Teachers (ACT) Philippines nga mangin importante ang pagtalakay sa masunod nga article of impeachment sa nagapadayon nga impeachment trial batok kay Vice President Sara Duterte, ilabi na ang pagpresentar sang mga testigo kag ebidensiya sang House Prosecution.
Sa interview sang Bombo Radyo kay Prof. Carl Ramota, Vice Chairperson sang ACT Philippines, iya ginpahayag nga ginabantayan sang publiko ang masunod nga bahin sang trial bangud nagalaum ini nga may ipresentar nga dugang nga mga testigo kag dokumentaryo nga ebidensiya agud suportahan ang mga alegasyon sa masunod nga article of impeachment nahanungod sa confidential fund sang bise presidente.
Suno kay Ramota, importante nga mahatagan sang nagakaigo nga kahigayunan ang duha ka bahin sa pagpresentar sang ila mga testigo, dokumento, kag iban pa nga ebidensiya agud masiguro ang isa ka patas, matinlo, kag makatarungann nga trial.
