Pagatutukan sang bag-o nga officer in charge sang Roxas Component City police Station ang pagtapna snag iligal nga droga kag paghupot sang indi lisensyado nga armas.
Sa interview sang Bombo Radyo kay Police Lieutenant Colonel Rogelio L. Tomagtang Jr., Officer in Charge sang Roxas Component City Police Station, iya ginpahayag lakip man sa iya focus sa pagpungko sini sa nasambit nga amo ang pag-follow up sang mga wanted persons sang syudad.
Suno kay Tomagtang, may yara man sang fixed deployment plan sa tagsa ka area of concern kun sa diin magadeploy sang mga katapo sang kapulisan para mabantayan kag i-maintain nga organize ang nasambit nga lugar.
Pahayag pa niya, mas pasangkaron man ang police visibility ilabi na sa kagab-ihon agud matahap ang pila ka mga magatuyo nga mag-ubra sang indi mayo.
Nagapanawagan man ang natungdan sang kooperasyon sa publiko para sa mas matalunsay, malinong kag matawhay nga palibot.
