CAPIZ- Aprubado na sa 3rd and final reading sa Senado ang pagtukod sang Aquaculture feedmill plant sa Barangay Bahit, Panay, Capiz, Hunyo 9, 2025. Yara sa 21 tanan ka mga senador ang nag-boto pabor, wala sang negative kag wala man sang nag-abstain.
Ang House Bill 7500 ang orihinal nga ginpapasar sa House of the Representatives nanday Capiz 1st District Congressman Tawi Billones kag 2nd District Congresswoman Jane Castro nga nagatuyo nga magtukod sang planta nga maga-himo sang feeds para sa mga isda sa Probinsiya sang Capiz.
Samtang pagakuhaon man ang ‘raw materials’ sa probinsya.
Sa hagna, ginabanta nga maka-produce sang 30 metric tons sang feeds ang planta ukon kabaylo sang 30% sang feed consumption sang Capiz.
Ini man ang ginakabig isa sa pinaka-dako nga feed mill plant nga pagapondohan sang National Government sa idalum sang DA- BFAR. Magahatag man sang bulig ang gobyerno sa mga mangunguma kag mangingisda.
