Ginpasalig sang Department of Public Works and Highways (DPWH) nga ang pagtukod sang bag-o nga flood control projects nga ipatuman sa idalum sang ila departamento ang ipaidalum sa maid-id nga monitoring kag paga-tsekyar agud masunod ang husto nga proseso kag plano.
Suno kay DPWH Sec. Vince Dizon, kun may yara sang bag-o nga plano para sa flood control projects, ginpasalig sini nga mabantayan ini kag himuon sang husto, sa diin ginhatagan pagtamod sang tiglikom nga nalakip ang Iligan sa mga proyekto.
Nahibaluan nga ang probinsya sang Iligan naka-eksperyensya sang grabe nga pagbaha sang Bagyo Basyang sa diin naka-record sang lima ka patay bangud sa madasig nga pagsaka sang lebel sang tubig sa lugar.
Magluwas diri, nagpasalig man si Dizon nga gamiton ang ini nga oportunidad sa pagplano sang husto para sa tuig 2027 sa diin magasugod na ang pagtukod sang mga proyekto kag istraktura nga kinahanglan sang mga pumuluyo, ilabi na sa mga flood prone areas.
Samtang, base sa monitoring sang iya talatapan, magluwas sa Iligan, kinahanglan man sang mga probinsya sang Cagayan de Oro, Cotabato kag Maguindanao ang flood control projects, nga lunsay may yara sang madamo nga verified flood prone areas.
Matandaan nga sa proposed 2026 budget nga ginpirmahan ni Presidente Ferdinand Marcos Jr., may yara sang P2.49 bilyon pesos nga ginpain para sa maintenance kag operating expenses sang existing flood control kag drainage systems.
