Ginkalipay ni Senador Win Gatchalian ang pag-apruba ni Pangulong Ferdinand Marcos, Jr. sa pagtukod sang cabinet cluster para sa edukasyon, isa ka hagna nga ginduso sang Second Congressional Commission on Education (EDCOM II).
Isa si Gatchalian sa mga author sang Senate Concurrent Resolution No. 21 nga ginganyat ang Presidente nga tukuron ang nasambit nga cabinet cluster.
Sa idalom sang amo nga resolusyon, siuruhon sang cabinet cluster nga magkaangut ang mga layi, polisiya, reporma, kag regulasyon sang mga departamento, empleyado, komisyon, kag mga talatapan nga sanga sang Ehekutibo.
Sa idalom man sang resolusyon makaangkon ang cabinet cluster sang mapag-on nga oversight sa tanan nga mga ahensya sang edukasyon.
Pagapamunuan ang cluster sang isa ka miyembro sang gabinete nga may direkta nga mandato nga may kahilabtanan sa edukasyon ukon sang Presidential adviser nga may posisyon sang tiglikom.
Ginhatagan pagtamod sang EDCOM ang importansya sang pagsabat sa krisis sa edukasyon, pagsiguro sa magkaangut nga national education kag workforce development plan, mga target kag pondo sang mga ahensya kag mga sistema para sa monitoring kag evaluation.
