Posible nga matapos na sang Department of Agriculture (DA) ang ginahimo nga pagtuon sa maximum suggested retail price (MSRP) para sa karne sang baboy sa sulod sang duha ka semana.
Una na nga ginsuguran ang pagtuon sa posible nga pagpatuman sang MSRP sa mga pork products sa kagustuhan nga mabantayan ang pagsipa sang presyo sang karne sang baboy.
Suno kay DA Secretary Francisco Tiu Laurel Jr., madamo nga mga factor nga kinahanglan nga ikunsiderar sang team nga nagapatigayon sang pagtuon kasubong sang supply, presyohanay, demand, kag ang iban pa nga butang kasubong sang posibilidad nga profiteering kag pagmanipula sa presyo.
Kun mapamatud-an suno diri nga may nagakatabo nga profiteering, sigurado nga magapatuman ang DA sang MSRP.
Dugang pa sini nga kinahanglan man matapos ang mga serye sang konsultasyon sa tanan nga stakeholder sa pork industry agud matumod ang santo nga tikang.
Sa karon, nagpamalibad anay nga maghatag ang DA sang MSRP range samtang ginatun-an pa ang mangin epekto sa presyo kag kita ng mga nagbebenta ng karne ng baboy.
Base sa report sang DA Bantay Presyo, ang presyo sang pork kasim sa Metro Manila ang nagahampang gikan sa P345/kg tubtob P420/kg, samtang ang pork liempo (belly) ang nagahampang gikan sa P380/kg tubto P480/kg.
