Nag-file si Senate Committee on Basic Education Chairman Senador Sherwin Gatchalian sang hagna agud buhinan sang isa ka tuig ang pagtuon sang mga estudyante sa kolehiyo.
Halin sa apat ka tuig, luyag ni Gatchalian nga himuon na lang ini sang tatlo ka tuig.
Paathag sang senador, pagsulod sang estudyante sa kolehiyo gilayon nga mga major subjects na ang pagatun-an sini samtang ipahamtang naman sa Senior High School (SHS) ang mga general subjects.
Dugang pa ni Gatchalian, ang kasubong nga sistema ginapatuman na sa nagkalain-lain nga bahin sang pungsod kasubong sang United Kingdom, Canada, kag Australia.
Katuyuan man suno sa iya sang pagbuhin sang tuig sa kolehiyo agud nga malikawan ang pagpaliwat-liwat sang kurso kag maka-pokus ang mga bata sa ila nga specialization.
Pahayag pa sini nga kinahanglan nga iprayoridad ang pagtudlo sang mga soft skills sa mga estudyante sa Senior High School, kalakip ang critical thinking, communication, problem solving, socio-emotional skills, creativity, kag collaboration.
