Nagapati si former ACT Teachers Party-list Representative France Castro nga importante nga ebidensya sa nagapadayon nga impeachment trial kay Vice President Sara Duterte ang mga dokumento nga pirmado mismo sang bise presidente agud pamatud-an ang reklamo sang indi maayo nga paggamit sang confidential funds.
Sa interview sang Bombo Radyo kay Castro, ginpahayag sini nga ang pagpirma ni Duterte sa mga voucher, certifications kag iban pa nga may kaangtanan nga mga dokumento ang nagapakita sang iya pag-ugyon kag responsibilidad sa paggamit sang confidential funds.
Suno kay Castro, indi lamang ang mga dokumento ang importante kundi ang pagsanto sini sa findings sang Commission on Audit (COA) kag testimonya sang mga testigo nga naga-atubang sa Senate Impeachment Court.
Pahayag pa niya, ang kabug-usan sang ebidensya ang magaserbe nga basehan kun mapamatud-an ang alegasyon sang misuse of confidential funds.
Matandaan nga nagapadayon ang impeachment trial nga nagatalakay sa Article I sang Articles of Impeachment may kaangtanan sa ginaalegar indi husto nga paggamit s
