ROXAS CITY – Mas ginhugot pa sang Thailand ang ila nga kampanya batuk sa Wuhan Corona virus, matapos nagtaas na sa walo ang mga nalatnan sang nasambit nga sakit.
Sa report ni Bombo International Correspondent Cleo Rose Jondonero, ginpahayag sini nga ginapatuman na sa mga pahugpaan ang manual checking sa mga pasahero, kasubong na lamang sa pagpanga-nga kag pagkuha sang temperatura.
Nagpaguha man sang mandu ang Ministry of Public Health sa Thailand sa mga hotels sa Hua Hin nga i-check ang mga passports sang mga Chinese tourist.
Ginmanduan man ang mga staff sang hotels nga gilayon ipahibalo sa mga health officials, kun may makita sila nga mga turista nga may masakit ukon nagasuprer sang flu-like symtoms agud gilayon ini nga mapadulungan sang mga health officials.
Samtang ginabulubanta nga nagalab-ot sa 80 tobtob 1 billion bhatt nga kita gikan sa turismo sa Thailand ang ginalauman nga madula kasunod sang pagpauntat sa biyahe sang mga turista gikan sa China padulong sa Thailand.
