Pahugpaan sa Thailand kasubong na sa ghost town bangud sa COVID -19 scare
Sa Thailand… Kasubong na sa ghost town ang Suvarnabhumi International Airport bangud sa NCOV scare.
Sa report ni Bombo International Correspondent Cleo Rose Jondonero, ginpahayag sini nga maisip lamang sa tudlo ang makita nga tawo sa nasambit nga pahugpaan sa kahadluk nga malatnan sang amo nga sakit.
Nagsugod nga maglaka ang mga pasahero sa pahugpaan matapos ginkumpirma sang director general sang Department of Disease Control sa Thailand ang una nga Thai nga napatay bangud sa coronavirus.
Nahibaluan nga nagatrabaho sa retail sector ang 35-anyos nga lalaki kag ginapatihan nga nakuha sini ang virus sa mga turista nga nagbisita sa Thailand sang bulan sang Enero.
Sa karon nagalab- ot na sa 42 ang mga kaso nga narekord sa Thailand humalin sang Enero, 30 diri ang yara na sa recovery stage kag 11 ang yara na sa ospital.
