-- ADVERTISEMENT --
ROXAS CITY – Nataban sang wala makilala nga kawatan ang ginabulubanta P30,000 nga kantidad sang mga relo, matapos nga ginkawatan ang watch repair shop sang isa ka Person with Disability (PWD), sa Roxas Avenue, Brgy. VIII, Roxas City.
Sandig sa ginparekord sang tag-iya sang Gene Jewelry nga si Higenio Llave, 53-anyos, PWD kag residente sang Brgy. Tanque, sini nga syudad, nga mga alas-11 kahapon sang aga, sang nanotisyahan sini nga may indi amo sa nagaserbe pertahan sang iya watch repair stall kag natalupangdan nalang nga wala na naka-display ang dose (12) ka units sang relo sa nagkalain-lain nga brand.
Ginapatihan sini nga ginkawat ang amu nga mga relo.
Ginpakamaayo nalang sini nga i-report sa mga kapulisan ang insidente.
