MANILA, Philippines – Ginkanselar sang Philippine Airlines “PAL”, kag Cebu Pacific ang tanan nila nga flights pakadto kag pakay-o sa General Santos City tubtob Hunyo 11 matapos ang magnitude 7.8 nga linog nga nagdulot sang pinsala sa General Santos International Airport.
Sa isa ka advisory, ang walo ka flights sang PAL nga natalana halin Hunyo 9 tubtob 11 ang kanselahon:
PR 453/454 Manila–General Santos–Manila, PR 2455/2456 Manila–General Santos–Manila, PR 2339/2340 Cebu–General Santos–Cebu, kag PR 2357/2358 Cebu–General Santos–Cebu.
Samtang, sa separado nga advisory, kanselahon ang 22 ka flights sang CebPac nga natalana sa Hunyo 9 tubtob 11:
June 9, 2026
5J 251/252: Cebu – General Santos – Cebu, 5J 991/992: Manila – General Santos – Manila, 5J 993/994: Manila – General Santos – Manila, 5J 995/996: Manila – General Santos – Manila, 5J 997/998: Manila – General Santos – Manila, kag 5J 251/252: Cebu – General Santos – Cebu.
June 10, 2026
5J 991/992: Manila – General Santos – Manila, 5J 993/994: Manila – General Santos – Manila, 5J 995/996: Manila – General Santos – Manila, 5J 997/998: Manila – General Santos – Manila, kag 5J 4843/4844: Iloilo – General Santos – Iloilo.
Suno sa mga airline, ang pagkansela sang mga biyahe gintuman agud mabigyan sang tion ang mga otoridad sa pagpatigayon sang safety assessment kag inspeksyon sa paluparan.
Pahayag sang Civil Aviation Authority of the Philippines “CAAP”, nga sarado anay ang airport para sa komersyal nga flights kag gobyerno, militar, kag humanitarian flights lamang ang ginatugutan.
Dugang pa sa impormasyon CAAP nga nag-angkon sang pinsala ang airport, lakip na ang nagkalabuka nga mga bintana kag nagkatumba nga parte sang kisame sang terminal building.
Sa karon nahibaluan nga samtang padayon ang pagmonitor sa sitwasyon, ginpahanumdom ang mga pasahero nga mahimo sila maka-rebook, mangayo refund, ukon mag-reroute pinaagi sa Davao City.
