Gintawag sang Malakanyang nga ‘diversionary tactic’ ang pahayag ni Vice President Sara Duterte nga ang paging frontrunner niya sa 2028 presidential race ang rason sang pagpuntirya sa iya sang administrasyon.
Ini ang nangin reaksyon sang Palasyo matapos ginsiling ni VP Sara nga luyag ni Presidente Ferdinand Marcos Jr. nga mapabilin sa gahom rason nga ginduso ang impeachment case batuk sa iya.
Sa isa ka press briefing, ginsiling ni Palace Press Officer Claire Castro nga amo adto ang luyag nga mangin naratibo sang bise presidente.
Pero ang kamatuuran suno sa iya, ginaliso sini ang isyu hanungod sa iya nga accountability sa confidential funds kag iban pa nga reklamo nga nakalakip sa articles of impeachment.
Samtang, ginhangkat ni Castro ang bise president nga sabton ang mga alegasyon kag indi magpanago sa naratibo.
