Ginaduso ni Senator Sherwin Gatchalian ang mas hugot nga regulasyon para sa online gambling sa pungsod bilang kabahin sang pagpaninguha agud masolusyonan ang nagalala nga pagka-adik sa bisyo nga panahor ilabi na sa mga kabataan.
Suno kay Gatchalian, ang hagna ang nalakip sa iya 10 priority measures sa 20th Congress.
Gin-athag sini nga indi total ban sa online gambling ang iya ginaduso sa baylo dumilian na ang paggamit sang GCash sa online gambling, himuon nga 18 ukon 21 pataas ang edad sang mahimo lang nga makahampang kag ang minimum bet ang himuon nga P10,000 kag P5,000 ang top up.
Pahayag niya, nagbutang man siya sang penal provision sa diin kun indi mahimo sang mga regulatory agencies ang ila trabaho, mahimo sila nga kasohan kag makakas sa serbisyo kag mahimo man sila nga mapreso.
