Ginakabalak-an sang grupo nga Pamalakaya-Panay ang posible nga epekto sang El Niño sa pangabuhian sang mga pumuluyo, ilabi na ang mga mangingisda.
Sa interview sang Bombo Radyo kay Nathaniel Baga-ot, spokesperson sang Pamalakaya-Panay, iya ginpahayag nga apektado ang pangabuhian sang mga mangingisda bangod sa epekto sang El Niño.
Suno kay Baga-ot, sang mga nagligad makakuha pa ang mga mangingisda sang tubtob 10 ka kilo nga isda, apang sa subong yara na lamang sa isa ka kilo ang ila masarangan nga makuha.
Dugang pa sang natungdan, nga isa man sa nagapabudlay sa mga mangingisda ang amo ang padayon nga pagsaka sang presyo sang gatong nga ginagamit sa ila mga bangka.
Ginpahayag man sini, nga posible magtaas ang presyo sang mga produkto nga halin sa dagat bangod sa maiwat sang kuha sang mga isda.
