Ginkoronahan si Gwendoline Meliz Soriano sang syudad sang Baguio bilang Miss Pilipinas 2026 International.
Nagpangibabaw ang beauty queen sa 34 ka iban pa nga mga kandidata sa coronation night nga ginhiwat sa Smart Araneta sang gab-i.
Nagdaug man si Soriano sang Best in Swimsuit, Best in Evening Gown, Miss Philippine Airlines kag Miss Urban Smiles.
Ginpasa ni Miss Pilipinas International 2025 Katrina Anne Johnson ang iya korona kay Soriano.
Bangud sini, magatiglawas si Soriano sa Pilipinas sa Miss International pageant sa masunod nga tuig.
Si Sasha-Juli Belle Lacuna sang Tarlac ang ginhingadlan nga Miss Pilipinas 2026 Globe.
Samtang si Julianne Raine Antonio sang Dumaguete ang nakakuha sang first runner-up kag si Tracy Mae Sunio sang Bacolod ang nakakuha sang 2nd runner-up.
